ரசனை கூடிய ஆய்வு | திரை நூலகம்

திரைப்படங்களை மதிப்பாய்வு செய்பவர்கள் அடிப்படையில் தேர்ந்த சினிமா ரசிகராகவும் இருக்க வேண்டியது அவசியம். இதை உறுதிசெய்யும் விதமாக 720 பக்கங்கள் கொண்ட இந்நூலின் ஆசிரியரான அப்சல், ரசனை சொட்டும் ஆய்வை வழங்கியிருக்கிறார்.

இன்றைய ஓடிடி, தொலைக்காட்சி, சமூகக் காணொளி உலகில், கடந்த காலத்தில் வெளியான கிளாசிக் இந்தித் திரைப்படங்களைப் பார்ப்பது எளிது. ஆனால், திரையரங்குகளில் மட்டுமே காணமுடியும் என்றிருந்த காலத்தில், தமிழ்நாட்டில் வெளியாகி வரவேற்பைப் பெற்ற படங்கள் ஏராளம். அவற்றிலிருந்து கடந்த 50 ஆண்டுகளில் வெளியான 50 படங்களைத் தேர்ந்தெடுத்து எழுதியிருக்கிறார்.