பகவத் கீதை முதல் ‘ஃபேவரிட்’ சமோசா வரை - சுனிதா வில்லியம்ஸ் சுவாரஸ்யங்கள்

மன வலிமை தந்த பகவத் கீதை: மூன்றாவது முறையாக சர்வதேச விண்வெளி மையத்துக்கு சென்ற சுனிதா வில்லியம்ஸ் எதிர்பாராதவிதமாக 9 மாதங்கள் தங்க வேண்டிய நிலை ஏற்பட்டது. இந்த காலகட்டத்தில் அவர் விண்வெளி மையத்தில் வீணாக பொழுதை கழிக்கவில்லை. விண்வெளி மையத்தில் மேற்கொள்ள வேண்டிய பணிகளை கவனித்தார். இவரது 3 முறை பயணத்தில் இவர் 9 முறை விண்வெளி நடைபயணம் மேற்கொண்டார்.

மொத்தம் 62 மணி நேரம் 6 நிமிடங்கள் இவர் விண்வெளி நடைபயணம் மேற்கொண்டு சாதனை படைத்துள்ளார். விண்வெளியில் நீண்ட காலம் தங்கிய பெண், நீண்ட நேரம் விண்வெளி நடைபயணம் மேற்கொண்ட பெண் என்ற சாதனைகளை இவர் படைத்துள்ளார். பகவத்கீதையை படித்ததால்தான் எனக்கு மனவலிமை கிடைத்தது என்றார் சுனிதா.