தஞ்சாவூர் பெரிய கோயிலில் பெருவுடையாருக்கு அன்னாபிஷேகம்: ஏராளமான பக்தர்கள் தரிசனம்
கங்கைகொண்டசோழபுரம், தஞ்சாவூர் பெரிய கோயிலில் ஐப்பசி மாத பவுர்ணமியை முன்னிட்டு மூலவருக்கு நேற்று அன்னாபிஷேகம் நடைபெற்றது. இதில் திரளான பக்தர்கள் கலந்து கொண்டனர்.
அரியலூர் / தஞ்சாவூர்: கங்கைகொண்டசோழபுரம், தஞ்சாவூர் பெரிய கோயிலில் ஐப்பசி மாத பவுர்ணமியை முன்னிட்டு மூலவருக்கு நேற்று அன்னாபிஷேகம் நடைபெற்றது. இதில் திரளான பக்தர்கள் கலந்து கொண்டனர். அரியலூர் மாவட்டம் கங்கைகொண்ட சோழபுரம் பிரகதீஸ்வரர் கோயிலில் ஒவ்வோர் ஆண்டும் ஐப்பசி மாத பவுர்ணமி தினத்தில் 60 அடி சுற்றளவும், 13.5 அடி உயரமும் கொண்ட மூலவர் பெருவுடையாருக்கு 100 மூட்டை அரிசியால் சாதம் சமைத்து, அன்னாபி ஷேகம் நடைபெறுவது வழக்கம்.
அதன்படி, நேற்று காலை முதல் சாதம் சமைக்கப்பட்டு லிங்கத்தின் மீது சாற்றப்பட்டு, பலகாரங்கள், பழங்கள், பூக்கள் கொண்டு அலங்கரிக்கப்பட்டது. லிங்கத்தின் மீது சாற்றப்படும் ஒவ்வொரு சாதமும் லிங்கத்தின் தன்மையைப் பெறும் என்பதும், இதனால் ஒரே நேரத்தில் கோடிக்கணக்கான சிவலிங்கங்களை தரிசிக்கும் புண்ணியம் கிடைக்கும் என்பதும் நம்பிக்கை. தொடர்ந்து, மூலவருக்கு தீபாராதனை காண்பிக்கப்பட்டு, மூலவர் மீது சாற்றப்பட்ட சாதம் பக்தர்களுக்கு பிரசாதமாக வழங்கப்பட்டது.
What's Your Reaction?
