அரசம்பட்டி to அமெரிக்கா - ‘ஜேம்ஸ் பியர்டு’ விருது வென்ற செஃப் விஜயகுமாரின் பயணம்!

அமெரிக்க சமையல் உலகின் உயரிய விருதான ‘ஜேம்ஸ் பியர்டு’ விருதை மதுரையைச் சேர்ந்த விஜயகுமார் வென்று பெருமை சேர்த்துள்ளார்.

சமையல் உலகின் 'ஆஸ்கர் விருது' என்றுகூட சொல்லப்படுகின்ற ஜேம்ஸ் பியர்டு விருதானது, ஜேம்ஸ் பியர்டு அறக்கட்டளை சார்பில் ஆண்டு தோறும் வழங்கப்பட்டு வருகிறது. இந்த அறக்கட்டளை மூலம் 1991-ம் ஆண்டு முதல் சிறந்த உணவகம் மற்றும் சமையல்காரர் விருது, ஊடக விருது, சாதனை விருது ஆகியவை வழங்கப்பட்டு வருகின்றன. இதில் சிறந்த உணவகம் மற்றும் சமையல்காரர் விருதை, மதுரையைச் சேர்ந்த விஜயகுமார் பெற்றிருப்பது பெருமைக்குரிய விஷயமாகும். இந்த விருதைப் பெறும் முதல் இந்தியரும் இவரே ஆவார் என்பது குறிப்பிடத்தக்கது.