ஸ்டோக்ஸ் மீது கடும் ‘பிரஷர்’ - இந்திய அணி பந்து வீச்சில் கட்டுக்கோப்பு தேவை!

இந்திய அணியின் கேப்டன் ஷுப்மன் கில், தன் ஆதர்சமான விராட் கோலி பாணியில் டெஸ்ட் கிரிக்கெட்டில் தன் கேப்டன்சி பேட்டிங்கை தொடர் சதங்களுடன் தொடங்கியுள்ளார். இங்கிலாந்தில் இந்திய வீரர் எடுத்த அதிகபட்ச ஸ்கோர், கேப்டனாக அதிகபட்ச ஸ்கோர் என்று சாதனைகள் பலவற்றை அவர் நிகழ்த்தியுள்ளார்.

மாறாக டாஸ் வென்று ஹெடிங்லே போல் கனவுடன் இந்திய அணியை பேட் செய்ய அழைத்ததன் கொடுமையை இந்நேரம் பென் ஸ்டோக்ஸ் உணர்ந்திருப்பார். இன்னும் கூட இங்கிலாந்தை நெருக்கதலுக்கு உள்ளாக்கியிருக்க வேண்டும். இனி இது போன்ற பிட்சைப் போட்டு எதிரணியை மட்டமாக நினைத்து பாஸ்பால் போட்டு வென்று விடலாம் என்று இங்கிலாந்து கனவிலும் நினைக்கக் கூடாது என்னும் அளவுக்கு 650-700 ரன்களைக் குவித்திருக்க வேண்டும்.