ரூ.6,970 கோடி மதிப்புள்ள ரூ.2,000 நோட்டுகள் இன்னும் வங்கிக்கு திருப்பி அளிக்கப்படவில்லை: ஆர்பிஐ

புதுடெல்லி: புழக்கத்தில் இருந்த 2 ஆயிரம் ரூபாய் நோட்டுகள் செல்லாது என இந்தியன் ரிசர்வ் வங்கி அறிவித்து 17 மாதங்கள் கடந்து விட்ட நிலையில், இன்னும் ரூ.6,970 கோடி மதிப்புள்ள ரூ.2,000 நோட்டுக்கள் வங்கிக்கு திரும்பி வரவில்லை என்று ஆர்பிஐ தெரிவித்துள்ளது.

கடந்த 2023-ம் ஆண்டு மே 19-ம் தேதி புழக்கத்தில் உள்ள இரண்டாயிரம் ரூபாய் நோட்டுகள் பணமதிப்பிழப்பு செய்யப்படுவதாகவும் இனி அவை செல்லாது என்றும் இந்தியன் ரிசர்வ் வங்கி அறிவித்தது. அப்போது, மொத்தம் ரூ.3.56 லட்சம் கோடி மதிப்பிலான ரூ.2,000 நோட்டுக்கள் புழக்கத்தில் இருப்பதாக ரிசர்வ் வங்கி தெரிவித்திருந்தது.