ரஜினியின் ‘பில்லா’ தோல்விப் படமா? - இயக்குநர் விஷ்ணுவர்தனின் கருத்தால் வெடித்த சர்ச்சை

சென்னை: ரஜினி நடித்த ‘பில்லா’ ஒரு தோல்விப் படம் என்று இயக்குநர் விஷ்ணுவர்தன் கூறிய விவகாரம் சர்ச்சையை ஏற்படுத்தியுள்ளது.

சமீபத்திய பேட்டி ஒன்றில் பேசிய விஷ்ணுவர்தன், “ரஜினியின் ‘பில்லா’ படம் வெளியான காலகட்டத்தில் சரியாக ஓடவில்லை. இந்த படத்தையா நாம் ரீமேக் செய்யப் போகிறோம் என்று எனக்கு தோன்றியது. ஆனால் எனக்கு அந்த படத்தில் பிடித்தது என்னவென்றால் அந்த காலகட்டத்திலேயே அதில் ஒரு டார்க் ஆன கேரக்டரை வடிவமைத்திருப்பார்கள். எனவே அது ஒரு சிறந்த ஐடியா என்று எனக்கு தோன்றியது” என்று கூறியிருந்தார்.