தங்கம் விலை தொடர் சரிவு: 4 நாட்களில் ரூ.2,720 குறைந்தது; பவுன் ரூ.55,480-க்கு விற்பனை

சென்னை: சென்னையில் கடந்த 4 நாட்களில் தங்கம் விலை பவுனுக்கு ரூ.2,720 குறைந்திருப்பது நகைவாங்குவோர் மத்தியில் மகிழ்ச்சியை ஏற்படுத்தியுள்ளது.

சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கம் விலை நிர்ணயிக்கப்படுகிறது. இதன் தொடர்ச்சியாக தீபாவளி நாளில் (அக்.31) ஒரு பவுன் ரூ.59,640 என்ற வரலாறு காணாத உச்சத்தை அடைந்தது. இந்நிலையில், நேற்று பவுனுக்கு ரூ.880 குறைந்து, ஒரு பவுன் ரூ.55,480-க்கு விற்கப்பட்டது. கிராமுக்கு ரூ.110 குறைந்து ஒரு கிராம் தங்கம் ரூ.6,935-க்கு விற்பனையானது.