‘கிங் ட்ரம்ப் ஜெட்’ - போராட்டக்காரர்களை கலாய்த்து அதிபர் வெளியிட்ட ஏஐ வீடியோ!

வாஷிங்டன்: ‘கிங் ட்ரம்ப் ஜெட்’ எனப் போராட்டக்காரர்களை கலாய்த்து அமெரிக்க அதிபர் வெளியிட்ட ஏஐ வீடியோ சர்ச்சைகளை உருவாக்கியுள்ளது.

அமெரிக்க அதிபராக கடந்த ஜனவரி மாதம் டொனால்டு ட்ரம்ப் பதவியேற்றார். அவர் பதவியேற்றதில் இருந்தே அரசியல், பொருளாதார ரீதியாக பல்வேறு நடவடிக்கைகளை எடுத்து வருகிறார். அமெரிக்காவை மீண்டும் வலிமையானதாக ஆக்குவேன் ‘மேக் அமெரிக்கா கிரேட் அகெய்ன்’ என்ற கொள்கையின்படி செயல்படுவதாகச் சொல்லும் ட்ரம்ப்பின் பல்வேறு அதிரடி நடவடிக்கைகள் உலக நாடுகளை மட்டுமல்ல உள் நாட்டு மக்களையும் வெகுவாகவே பாதித்துள்ளது.