77 ஆண்டுகளுக்குப் பிறகு ஆஸி. தோல்வி முதல் கபில் தேவ் சாதனை சமன் வரை: IND vs AUS டெஸ்ட் ஹைலைட்ஸ்

இந்திய அணிக்கு எதிரான முதல் டெஸ்ட் போட்டியில் ஆஸ்திரேலிய அணி 104 ரன்களுக்கு ஆட்டமிழந்தது. இதையடுத்து விளையாடிய இந்திய அணி ஜெய்ஸ்வால் விளாசிய 90 ரன்கள் மற்றும் கே.எல்.ராகுல் சேர்த்துள்ள 62 ரன்கள் உதவியுடன் 2-வது நாள் ஆட்டத்தின் முடிவில் விக்கெட் இழப்பின்றி 172 ரன்கள் சேர்த்தது. இதன் மூலம் இந்திய அணி 218 ரன்கள் முன்னிலை பெற்று வலுவான நிலையை அடைந்துள்ளது.

பெர்த் நகரில் உள்ள ஆப்டஸ் மைதானத்தில் நடைபெற்று வரும் இந்த போட்டியில் டாஸ் வென்று பேட் செய்த இந்திய அணி முதல் இன்னிங்ஸில் 104 ரன்களுக்கு ஆட்டமிழந்தது. அதிகபட்சமாக நித்திஷ் குமார் ரெட்டி 41, ரிஷப் பந்த் 37, கே.எல்.ராகுல 26 ரன்கள் சேர்த்தனர். ஆஸ்திரேலிய அணி சார்பில் ஜோஷ் ஹேசில்வுட் 4 விக்கெட்கள் வீழ்த்தினார்.