‘ஹக்’ படத்துக்கு எதிராக ஷா பானுவின் மகள் வழக்கு - பின்னணி என்ன?

புதுடெல்லி: முஸ்லிம் பெண்கள் விவாகரத்து குறித்து பேசும் ‘ஹக்’ படத்தை வெளியிடுவதற்கு எதிராக ஷா பானுவின் மகளான பானு பேகம் வழக்கு தொடர்ந்துள்ளார்.

கடந்த 1980-களில் நாட்டின் முஸ்லிம்களை உலுக்கியது ஷா பானுவின் விவாகரத்து வழக்கு. உச்ச நீதிமன்றத்தில் தொடுக்கப்பட்ட இந்த வழக்கு, அப்போதைய பிரதமர் ராஜீவ் காந்தியின் அரசுக்குப் பெரும் சவாலாகவும் இருந்தது. இந்த வழக்கில் விவாகரத்து பெற்ற முஸ்லிம் பெண்களுக்கு பராமரிப்பு நிவாரணம் வழங்க உச்ச நீதிமன்றம் உத்தரவிட்டது. இது, முஸ்லிம்களின் ஷரீயத் சட்டத்துக்கு எதிரானது என அப்போது நாடு முழுவதிலும் பெரும் சர்ச்சை கிளம்பியது.