லிவர்பூல் வெற்றிப் பேரணியில் கொடூரம்: கூட்டத்துக்குள் தாறுமாறாக ஓடிய வாகனம் மோதி 50 பேர் காயம்

லண்டன்: இங்கிலாந்தில், லிவர்பூல் கிளப் கால்பந்து அணியின் ப்ரீமியர் லீக் சாம்பியன்ஷிப் வெற்றி அணிவகுப்பு கொண்டாட்டத்தின் போது நகர வீதியில் குழுமியிருந்த அந்த அணியின் ரசிகர்கள் மீது மினிவேன் ஒன்று மோதியதில் சுமார் 50 பேர் காயமடைந்தனர். இந்த விபத்தை ஏற்படுத்திய கார் ஓட்டுநர் கைது செய்யப்பட்டுள்ளார்.

இதில் காயமடைந்த 20 பேருக்கு சம்பவ இடத்திலேயே சிகிச்சை அளிக்கப்பட்டது. 27 பேர் மருத்துவமனைக்கு மேல் சிகிச்சைக்காக கொண்டு செல்லப்பட்டனர். அதில் நான்கு பேர் சிறுவர்கள். ஒரு நபரும், சிறுவர் ஒருவரும் தீவிர சிகிச்சை பிரிவில் அனுமதிக்கப்பட்டுள்ளனர். இதனை இங்கிலாந்து ஊடக நிறுவனம் ஒன்று உறுதி செய்துள்ளது. இந்தச் சம்பவம் இங்கிலாந்து நேரப்படி திங்கள்கிழமை மாலை நடைபெற்றது.