லார்ட்ஸ் டெஸ்ட்டில் இந்திய அணியின் வெற்றிக்கு 193 ரன்கள் தேவை: வாஷிங்டன் சுந்தர் அபாரம் - ENG vs IND

லண்டன்: லார்ட்ஸ் டெஸ்ட் போட்டியில் இந்திய அணியின் வெற்றிக்கு 193 ரன்கள் தேவை. இரண்டாவது இன்னிங்ஸில் இங்கிலாந்து அணி 192 ரன்களுக்கு ஆல் அவுட் ஆனது. இந்திய பந்து வீச்சாளர்கள் துல்லியமாக பந்து வீசி அசத்தி இருந்தனர். அதில் ரூட், ஸ்மித், ஸ்டோக்ஸ், பஷீர் விக்கெட்டுகளை வாஷிங்டன் சுந்தர் கைப்பற்றி அசத்தினார்.

ஆண்டர்சன் சச்சின் டிராபி டெஸ்ட் தொடரின் மூன்றாவது டெஸ்ட் போட்டி கடந்த 10-ம் தேதி லார்ட்ஸ் மைதானத்தில் தொடங்கியது. இதில் இங்கிலாந்து அணி முதலில் பேட் செய்து முதல் இன்னிங்ஸில் 387 ரன்கள் எடுத்தது. அந்த அணி தரப்பில் ஜோ ரூட் சதம் விளாசினார். ஜேமி ஸ்மித் மற்றும் பிரைடன் கார்ஸ் அரை சதம் விளாசி இருந்தனர். பும்ரா 5 விக்கெட்டுகளை கைப்பற்றினார்.