மதகஜராஜா Review: சுந்தர்.சி + விஷால் கூட்டணியின் காமெடி சரவெடி!

பொதுவாக நீண்ட தாமதத்துக்குப் பின் வெளியாகும் படங்கள் பெரிய வெற்றியை பெறுவதில்லை என்பது பரவலான கருத்து. அதற்கேற்ப தமிழிலேயே பல்வேறு உதாரணங்களை கூற முடியும். 2012ஆம் ஆண்டு அறிவிக்கப்பட்டு 2013ஆம் ஆண்டு ரிலீஸ் தேதி அறிவிக்கப்பட்ட ‘மதகஜராஜா’, கிட்டத்தட்ட 12 ஆண்டுகள் கழித்து வெளியாகியிருக்கிறது.

இந்த காலகட்டத்தில் மூன்று நாடாளுமன்ற தேர்தல்கள் நடந்துவிட்டன. தமிழ்நாட்டில் நான்கு முதலமைச்சர்கள் மாறிவிட்டனர். பணமதிப்பிழப்பு, கரோனா என பெரிய ‘சம்பவங்கள்’ அரங்கேறி விட்டன. அன்று மாணவர்களாக இருந்தவர்கள் எல்லாம் இன்று குடும்பஸ்தர்கள். இத்தகைய மாற்றங்களை எல்லாம் கடந்து 2025-ன் தொடக்கத்தில் வெளியாகியிருக்கும் இப்படம் எப்படி இருக்கிறது?