புகைப்பழக்கத்தை நிறுத்துவது எப்படி? - கைகொடுக்கும் ‘5-D’கள்!

நவீன மருத்துவத்தில் புகைப்பழக்கத்தை நிறுத்தப் பல்வேறு மருந்துகளும் வழிமுறைகளும் இருக்கின்றன. ஆனாலும், புகைப்பவரின் மன உறுதிதான் இதற்கான அருமருந்தும், அவசியமான மருந்தும் ஆகும்.

புகைப்பழக்கத்தை நிறுத்துவதில் இரண்டு விதக் கட்சியினரைக் காணலாம். ‘ஒரே நாளில் புகைப்பதை நிறுத்திவிட வேண்டும்’ என்று திட்டமிடுவோர் ஒரு கட்சியிலும், ‘படிப்படியாக நிறுத்திக்கொள்ளலாம்’ என்று நினைப்பவர்கள் அடுத்த கட்சியிலும் இருக்கிறார்கள். நீங்கள் ஒரே நாளில் புகைப்பதை நிறுத்திவிடும் கட்சியில் இருந்தால், மகிழ்ச்சிதான். உங்களால் அப்படி நிறுத்த முடிந்தால், அதற்கு ஆட்சேபனை இல்லைதான். ஆனால், உங்கள் கட்சியில் இருப்பவர்கள் கொஞ்சம் பேர்தான்.