தடுமாறும் ராஜஸ்தானுடன் இன்று மோதல்: தோல்வியில் இருந்து மீளும் முனைப்பில் டெல்லி

புதுடெல்லி: ஐபிஎல் டி20 கிரிக்கெட் தொடடிரில் இன்று இரவு 7.30 மணிக்கு டெல்லி அருண் ஜேட்லி மைதானத்தில் நடைபெறும் ஆட்டத்தில் டெல்லி கேப்பிடல்ஸ், ராஜஸ்தான் ராயல்ஸ் அணியுடன் மோதுகிறது.

அக்சர் படேல் தலைமையிலான டெல்லி கேப்பிடல்ஸ் அணி தொடர்ச்சியாக 4 ஆட்டங்களில் வெற்றி பெற்று ஆதிக்கம் செலுத்திய நிலையில் தனது கடைசி ஆட்டத்தில் மும்பை இந்தியன்ஸ் அணியிடம் 12 ரன்கள் வித்தியாசத்தில் தோல்வி அடைந்தது. 205 ரன்கள் இலக்கை துரத்திய அந்த ஆட்டத்தில் டெல்லி அணி 10 ஓவர்களில் ஒரு விக்கெட் இழப்புக்கு 119 ரன்கள் குவித்திருந்தது. ஆனால் அதன் பின்னர் கடும் சரிவை சந்தித்து 193 ரன்களுக்கு ஆட்டமிழந்து தோல்வியடைந்தது. இறுதிக்கட்டத்தில் நிகழ்ந்த ஹாட்ரிக் ரன் அவுட்களும் டெல்லி அணி வெற்றியை தாரை வார்ப்பதற்கு முக்கிய காரணமாக அமைந்தது.