‘ட்ரோல்களுக்கு நன்றி சொல்வீர்...’ - ‘கண்ணப்பா’ படக்குழுவுக்கு சுவாமிஜி அட்வைஸ்

ஜூன் 27-ம் தேதி பல்வேறு மொழிகளில் வெளியான படம் ‘கண்ணப்பா’. இப்படம் குறித்து வெளியீட்டு முன்பு பல்வேறு கிண்டல்கள் எழுந்தன. ஆனால், பட வெளியீட்டுக்கு பின்னர் குறிப்பிடத்தக்க நல்ல விமர்சனங்கள் கிடைத்தது. இதனை வைத்து படக்குழுவினர் டிஜிட்டல் மற்றும் தொலைக்காட்சி உரிமங்களை விற்க பேச்சுவார்த்தை நடத்தி வருகிறார்கள்.

தற்போது சிவபக்தர்கள் மற்றும் சுவாமிஜிக்கள் உள்ளிட்ட சிலரை ஒருங்கிணைத்து ‘கண்ணப்பா’ திரையிட்டுக் காட்டப்பட்டது. இதில் மோகன்பாபுவும் கலந்துக் கொண்டார். இந்தக் காட்சி முடிவில் பத்திரிகையாளர்கள் மத்தியில் மோகன்பாபு பேசினார். அப்போது “நல்ல விமர்சனங்கள் கிடைத்தாலும் மீம்ஸ்கள், கிண்டல்களுக்கு ஆளானதே” என்று மோகன்பாபுவிடம் கேள்வி எழுப்பினார்கள்.