ட்ரம்ப் உடன் பேச புதின் தயார்; அழைப்புக்கு காத்திருக்கிறோம் - ரஷ்யா தகவல்

மாஸ்கோ: “அமெரிக்க அதிபர் டொனால்டு ட்ரம்புடன் தொலைபேசியில் பேச ரஷ்ய அதிபர் விளாடிமிர் புதின் தயாராக உள்ளதாகத் தெரிவித்துள்ள அந்நாட்டு அரசு தெரிவித்துள்ளது. இது குறித்த அமெரிக்க அரசின் அதிகாரபூர்வ அழைப்புக்காக காத்திருப்பதாகவும் ரஷ்யா தெரிவித்துள்ளது.

உக்ரைனுடனான போரை முடிவுக்குக் கொண்டுவருவதற்காக விரைவில் புதினை சந்திக்க விரும்புவதாக கடந்த வியாழக்கிழமை ட்ரம்ப் தெரிவித்தார். மேலும், அணு ஆயுதங்களை குறைக்கும் நோக்கில் பணியாற்ற விரும்புவதாகவும் கூறி இருந்தார். முன்னதாக, உக்ரைனில் நடைபெற்று வரும் 'அபத்தமான போரை' முடிவுக்குக் கொண்டுவர வேண்டும் அல்லது அதிக வரிகள் மற்றும் கூடுதல் தடைகளை எதிர்கொள்ள வேண்டும் என்று அவர் ரஷ்யாவை எச்சரித்திருந்தார்.