சதம் விளாசிய பிரண்டன் கிங், கேசி கார்ட்டி: ஒருநாள் தொடரில் இங்கிலாந்தை வென்ற மே.இ.தீவுகள்

பிரிட்ஜ்டவுனில் நேற்று நடைபெற்ற 3-வது மற்றும் கடைசி ஒருநாள் கிரிக்கெட் போட்டியில் மேற்கு இந்தியத் தீவுகள் அணி இங்கிலாந்தை 8 விக்கெட்டுகள் வித்தியாசத்தில் ஊதித்தள்ளி தொடரை 2-1 என கைப்பற்றியது.

முதலில் பேட் செய்த இங்கிலாந்து 4 விக்கெட்டுகள் இழப்புக்கு 24 ரன்கள் என்று தட்டுத்தடுமாறி பிறகு பில் சால்ட்டின் 74 ரன்களால் 50 ஓவர்களில் 8 விக்கெட்டுகள் இழப்புக்கு 263 ரன்கள் எடுத்து மரியாதைக்குரிய இலக்கை நிர்ணயித்தது. ஜோப்ரா ஆர்ச்சர் தன் மட்டை வீச்சுத் திறனைக் காண்பித்து 38 ரன்களை 17 பந்துகளில் 2 பவுண்டரிகள், 3 சிக்ஸர்களுடன் விளாச ஜேமி ஓவர்டன் 21 பந்துகளில் 32 ரன்களையும் புதுமுக வீரர் டேன் மவுஸ்லி 57 ரன்களையும், சாம் கரன் 40 ரன்களையும் எடுத்தனர்.