உலக செஸ் சாம்பியன்ஷிப்: 3-வது சுற்றில் குகேஷ் பதிலடி!

உலக செஸ் சாம்பியன்ஷிப் போட்டியில் பதிலடி தரும் வகையில், இந்தியாவின் குகேஷ் மூன்றாவது சுற்றில் வென்றார். தற்போது அவரும், டிங் லிரெனும் தலா 1.5 புள்ளிகளை பெற்று சமநிலையில் உள்ளனர்.

உலக செஸ் சாம்பியன்ஷிப் போட்டி சிங்கப்பூரின் ரெசார்ட்ஸ் வேர்ல்ட் சென்டோவில் அமைந்துள்ள ஈக்வரியல் ஓட்டலில் நடைபெற்று வருகிறது. இதில் நடப்பு சாம்பியனான சீனாவின் டிங் லிரெனை, இந்திய கிராண்ட் மாஸ்டரான 18 வயதான டி.குகேஷ் எதிர்த்து விளையாடி வருகிறார். 14 சுற்றுகளை கொண்ட இந்த போட்டியில் முதல் சுற்றில் டிங் லிரென் வெற்றி பெற்றிருந்தார். 2-வது சுற்று டிராவில் முடிவடைந்திருந்தது.