உயிர்த்தெழும் ஃபீனிக்ஸ் பறவை பிரித்வி ஷா - 72 பந்துகளில் சதமடித்து சாதனை!

ஏகப்பட்ட சர்ச்சைகளில் சிக்கி சின்னாபின்னமான பிரித்வி ஷா சர்ச்சைகள், மனவேற்றுமைகள் என்று அனைத்து எதிர்மறை விஷயங்களையும் பின்னுக்குத் தள்ளி இப்போது முழுவதும் கிரிக்கெட்டில் கவனம் செலுத்தி மீண்டும் இந்திய அணிக்குள் நுழையும் வாய்ப்பை நோக்கி அடியெடுத்து வைத்துள்ளார்.

சண்டிகாரில் நடைபெற்ற ரஞ்சி போட்டியில் சண்டிகர் அணிக்கு எதிராக பிரித்வி ஷா 72 பந்துகளில் சதம் கண்டார். இது ரஞ்சி வரலாற்றில் 6வது அதிவேக சதமாகும். மகாராஷ்டிரா அணி முதல் இன்னிங்சில் 313 ரன்கள் எடுத்தது, இதில் பிரிதிவி ஷா 8 ரன்களில் ஜக்ஜீத் சிங் பந்தில் ஆட்டமிழந்தார். இந்திய அணியின் எந்த ஒரு வடிவத்தின் தேர்வு ராடாரிலிருந்தும் விலக்கப்பட்ட ருதுராஜ் கெய்க்வாட் அற்புதமாக ஆடி 116 ரன்களை 163 பந்துகளில் 15 பவுண்டரிகளுடன் அடித்தார்.