அஸ்வினின் சாதனையை சமன் செய்த பும்ரா: ஐசிசி டெஸ்ட் பவுலர் தரவரிசையில் 904 புள்ளிகளை பெற்றார்

துபாய்: சர்வதேச கிரிக்கெட் கவுன்சிலின் டெஸ்ட் கிரிக்கெட் பவுலர்களுக்கான தரவரிசையில் 904 புள்ளிகளை பெற்ற இரண்டாவது இந்திய பவுலர் என்ற சாதனையை படைத்துள்ளார் பும்ரா. இதன் மூலம் அஸ்வினின் சாதனையை அவர் சமன் செய்துள்ளார். கடந்த 2016-ல் அஸ்வின் இதை எட்டி இருந்தார்.

ஐசிசி டெஸ்ட் கிரிக்கெட் பவுலர்களில் 900+ புள்ளிகளை கடந்த பந்து வீச்சாளர்களில் 26-வது வீரராக பும்ரா இணைந்துள்ளார். 932 புள்ளிகளுடன் முன்னாள் இங்கிலாந்து வீரர் சிட்னி பார்ன்ஸ், அதிக புள்ளிகளை பெற்ற பந்து வீச்சாளர்களில் முதலிடத்தில் உள்ளார். இப்போது கிரிக்கெட் விளையாடும் வீரர்களில் ஆஸ்திரேலிய டெஸ்ட் கிரிக்கெட் கேப்டன் கம்மின்ஸ் 914 புள்ளிகள் (2019) மற்றும் தென் ஆப்பிரிக்காவின் ரபாடா 902 புள்ளிகள் (2018) பெற்றுள்ளனர்.