அக்டோபரில் பண்டிகைகளால் வாகன விற்பனை 12% உயர்வு

புதுடெல்லி: கடந்த ஆண்டு அக்டோபர் மாதம் 23.14 லட்சம் வாகனங்கள் விற்பனையான நிலையில், இவ்வாண்டு அக்டோபரில் 25.86 லட்சம் வாகனங்கள் விற்பனையாகியுள்ளன. இது 12 சதவீதம் அதிகமாகும். இவற்றில் இருசக்கர வாகன விற்பனை 14.2 சதவீதம் உயர்ந்து 21.64 லட்சமாகவும், கார்கள் விற்பனை 1 சதவீதம் உயர்ந்து 3.93 லட்சமாகவும் உள்ளன. மூன்று சக்கர வாகன விற்பனை 0.7% சரிவு கண்டுள்ளது.

அக்டோபர் மாதத்தில் தீபாவளி, தசரா உள்ளிட்ட பண்டிகைகள் கொண்டாடப்பட்டன. இதன் காரணமாக வாகன விற்பனை உயர்ந்திருப்பதாக சியாம் தெரிவித்துள்ளது. அதேபோல் வாகன ஏற்றுமதி 22.4 சதவீதம் அதிகரித்துள்ளது. 2023 அக்டோபர் மாதம் 3.71 லட்சம் வாகனங்கள் ஏற்றுமதி செய்யப்பட்ட நிலையில் இவ்வாண்டு அக்டோபரில் அது 4.54 லட்சமாக உயர்ந்துள்ளது என்று சியாம் குறிப்பிட்டுள்ளது.