விடாமுயற்சி Vs துணிவு: முதல் நாள் வசூலில் டாப் எது?

அஜித்தின் ‘விடாமுயற்சி’ படத்தின் முதல் நாள் வசூல் குறித்த விவரம் வெளியாகியுள்ளது. அவரது முந்தைய படமான ‘துணிவு’ உடன் ஒப்பிடும்போது, முதல் நாள் வசூலில் ‘விடாமுயற்சி’யும் குறிப்பிடத்தக்க ஓபனிங் கொண்ட படம்தான் என்பதையே தரவுகள் காட்டுகின்றன.

மகிழ் திருமேனி இயக்கத்தில் அஜித் நடிப்பில் உருவான ‘விடாமுயற்சி’ படம் நேற்று (பிப்.6) உலகெங்கும் வெளியானது. 2023-ம் ஆண்டு அஜித்துக்கு ‘துணிவு’ படம் வெளியானது. அதற்குப் பிறகு வெளியாகும் படம் என்பதால் அஜித் ரசிகர்கள் முதல் நாளில் கொண்டாட்டத்தில் ஈடுபட்டனர். விமர்சன ரீதியில் ‘ஆவரேஜ்’ தன்மையைக் கொண்டுள்ள இந்தப் படம், அஜித் ரசிகர்களுக்கு புதுவிதமான திரை அனுபவம் தரக் கூடும் என நம்பப்படுகிறது.