வா.சுந்தரை 69-வது ஓவர் வரை ஓரங்கட்டியது ஏன்? - இந்திய அணியின் வரலாற்று வெற்றிக்குப் பின் சர்ச்சைகள்!

லார்ட்ஸ் டெஸ்ட் போட்டியில் போராடி தோற்றது இந்திய அணி, இது அணி வீரர்கள், ரசிகர்களுக்கு மனமுடைப்பை உண்டாக்கியது என்றாலும் கூட இப்போது மான்செஸ்டரில் இந்திய அணியின் பேட்டிங், பந்து வீச்சு, ஷுப்மன் கில் கேப்டன்சி, அணித்தேர்வு, களவியூகம், உடல்மொழி என்று அனைத்துமே பெரும் சிக்கலானது எப்படி? திடீரென ஏற்படும் இந்த வீழ்ச்சிக்குக் காரணம் என்ன என்பது புரியாத புதிராகவே உள்ளது.

அதுவும் குறிப்பாக கடந்த லார்ட்ஸ் டெஸ்ட் போட்டியில் 2வது இன்னிங்ஸில் 4 விக்கெட்டுகளைக் கைப்பற்றி இந்திய அணியை வெற்றி வாய்ப்புக்கருகில் கொண்டு வந்த ஸ்பெஷலிஸ்ட் ஸ்பின்னர் வாஷிங்டன் சுந்தரை 69 ஓவர்கள் வரை கொண்டு வராமல் அவரை அவமானப்படுத்த கில்லிற்கோ, மோர்னி மோர்கெலுக்கோ, கம்பீருக்கோ எந்த உரிமையும் கிடையாது.