ட்ரீசா - காயத்ரி ஜோடி வெற்றி

ஹாங்சோ: வேர்ல்டு டூ பைனல்ஸ் பாட்மிண்டன் தொடர் சீனாவில் உள்ள ஹாங்சோவில் நடைபெற்று வருகிறது. இதில் மகளிர் இரட்டையர் பிரிவில் ‘ஏ’ பிரிவில் இடம் பெற்றுள்ள இந்தியாவின் ட்ரீசா ஜாலி, காயத்ரி கோபிசந்த் ஜோடி தங்களது 2-வது ஆட்டத்தில் மலேசியாவின் பியர்லி டான், தினா முரளிதரன் ஜோடியுடன் மோதியது. 46 நிமிடங்கள் நடைபெற்ற இந்த ஆட்டத்தில் ட்ரீசா - காயத்ரி ஜோடி 21-19, 21-19 என்ற நேர் செட் கணக்கில் வெற்றி பெற்றது.

இந்த ஜோடி தங்களது முதல் ஆட்டத்தில் 20-22, 22-20, 21-14 என்ற செட்கணக்கில் போராடி முதல் நிலை ஜோடியான சீனாவின் லியு ஷெங் ஷு, டான் நிங் ஜோடியிடம் தோல்வி கண்டிருந்தது. ட்ரீசா - காயத்ரி ஜோடி தங்களது கடைசி ஆட்டத்தில் ஜப்பானின் நமி மட்சுயாமா, ஷிஹாரு ஷிடா ஜோடியுடன் இன்று மோதுகிறது. இந்த ஆட்டத்தில் வெற்றி பெறும் பட்சத்தில் இந்திய ஜோடி அரை இறுதிக்கு முன்னேறும்.