’கூலி’க்காக களமிறங்கிய ஆமிர்கான்: வர்த்தக நிபுணர்கள் ஆச்சரியம்

’கூலி’ படத்தின் திரையரங்குகள் ஒப்பந்தம் தொடர்பாக பி.வி.ஆர் மற்றும் ஐநாக்ஸ் திரையரங்க நிர்வாகத்தினரிடம் நேரடியாக பேசியிருக்கிறார் ஆமிர்கான்.

ஆகஸ்ட் 14-ம் தேதி வெளியாகவுள்ள படம் ‘கூலி’. லோகேஷ் கனகராஜ் இயக்கத்தில் ரஜினி நடித்துள்ள இப்படத்தில் கவுரவ கதாபாத்திரத்தில் நடித்துள்ளார் ஆமிர்கான். இந்தி தவிர்த்து இதர மொழிகளில் திரையரங்குகள் ஒப்பந்தம் தொடர்பாக ‘கூலி’ படத்துக்கு அனைத்து தரப்பில் இருந்து முன்னுரிமை வழங்கப்பட்டது. ஆனால், இந்தியில் ‘வார் 2’ வெளியாவதால் அப்படத்துக்கே முன்னுரிமை வழங்கி வந்தார்கள்.