‘கூலி’ ட்ரெய்லர் எப்படி? - ரஜினியும், லோகேஷ் அதிர்வுகளும்!

ரஜினிகாந்த் நடிப்பில் லோகேஷ் கனகராஜ் இயக்கியுள்ள ‘கூலி’ படத்தின் ட்ரெயலர் வெளியாகி ரசிகர்களின் கவனத்தை வெகுவாக ஈர்த்து வியூஸையும் அள்ளி வருகிறது. ரஜினியின் 171-வது படமான இதில் சத்யராஜ், நாகர்ஜுனா, ஸ்ருதி ஹாசன், உபேந்திரா, சவுபின் சாஹிர் என பலர் நடித்துள்ளனர்.

இந்தி நடிகர் ஆமிர் கான் கவுரவ வேடத்தில் நடித்துள்ளார். சன் பிக்சர்ஸ் தயாரித்துள்ள இந்தப் படத்துக்கு அனிருத் இசையமைத்துள்ளார். ஆகஸ்ட் 14-ல் ரிலீஸாகும் இப்படத்துக்கு, அதீத வன்முறைக் காட்சிகள் இடம்பெற்றிருப்பதால் தணிக்கைக் குழு ‘ஏ’ சான்றிதழ் கொடுத்துள்ளது.