உஷா வான்ஸை பாராட்டி ட்ரம்ப் நகைச்சுவை

அமெரிக்க அதிபராக ட்ரம்ப் பதவியேற்கும் விழாவில் அவருக்குப் பிறகு துணை அதிபர் ஜே.டி.வான்ஸின் மனைவியும் இந்திய வம்சாவளியை சேர்ந்தவருமான உஷா வான்ஸ் அதிக கவனம் ஈர்த்தார்.

அமெரிக்காவில் 47-வது அதிபராக குடியரசு கட்சியை சேர்ந்த டொனால்டு ட்ரம்ப் நேற்று முன்தினம் பதவியேற்றார். அவருடன் துணை அதிபராக ஜே.டி. வான்ஸ் பதவியேற்றுக்கொண்டார். விழாவில் இவரது மனைவி உஷா வான்ஸ், குழந்தைகள் ஈவன், விவேக், மிராபெல் ஆகியோரும் பங்கேற்றனர். அதில் குழந்தைகளின் சில செயல்களால் அவர்களின் புகைப்படம் சமூக வலைதளங்களில் வைரலானது. அதில் நிகழ்ச்சி தொடங்க தாமதம் ஆனதால் ஒரு மகன் அங்கேயே தூங்கி வழிந்தது, மிராபெல் அங்கும் இங்கும் ஓடி விளையாடியது உள்ளிட்ட காட்சிகள் இடம்பெற்றிருந்தன.