ஆஸி. அணிக்கு கடும் பின்னடைவு: அடிலெய்ட் டெஸ்டில் இருந்து ஹேசில்வுட் விலகல்!

பெர்த் டெஸ்ட் போட்டியில் வரலாறு காணாத தோல்வியடைந்த ஆஸ்திரேலிய அணியின் வெந்த புண்ணில் வேலைப் பாய்ச்சுவது போல் அடிலெய்ட் டெஸ்ட்டிலிருந்து முக்கிய வேகப்பந்து வீச்சாளர் ஜோஷ் ஹேசில்வுட் காயம் காரணமாக விலகியுள்ளார்.

அடிலெய்ட் பிங்க் பந்து பகலிரவுப் போட்டியில் இதுவரை ஆஸ்திரேலியா தோற்றதில்லை. இந்திய அணியின் கடந்த தொடரில் இங்குதான் 36 ரன்களுக்கு இந்திய அணி ஆல் அவுட் ஆனது. ஜோஷ் ஹேசில்வுட் 8 ரன்களுக்கு 5 விக்கெட்டுகளைக் கைப்பற்றியிருந்தார். இந்நிலையில், ஜோஷ் ஹேசில்வுட் விலகலால் ஆஸ்திரேலிய அணியில் பெரிய ஓட்டை விழுந்துள்ளது. ஏனெனில் பெர்த் டெஸ்ட்டில் இவர் இந்தியா 150 ஆல் அவுட் ஆன முதல் இன்னிங்சில் 4 விக்கெட்டுகளைக் கைப்பற்றியிருந்தார்.