21-ம் நூற்றாண்டின் அரிய கிரிக்கெட் சாதனை: பாகிஸ்தான் அணி அசத்தல்!

தென் ஆப்பிரிக்காவுக்குப் பயணம் மேற்கொண்டுள்ள பாகிஸ்தான் அணி அங்கு ஒருநாள் தொடரை 2-0 என்று கைப்பற்றியுள்ளது. 3-வது போட்டி நாளை (டிச.22) நடைபெறும் நிலையில், 21-ம் நூற்றாண்டில் எந்த அணியும் செய்யாத ஒரு சாதனையை பாகிஸ்தான் அணி தென் ஆப்பிரிக்க மண்ணில் செய்துள்ளது.

கேப்டவுனில் நடைபெற்ற 2-வது ஒருநாள் போட்டியில் பாபர் அசாம் (73), கேப்டன் ரிஸ்வான் (80), கம்ரன் குலாம் (63) என்று 329 ரன்களைக் குவிக்க, தென் ஆப்பிரிக்க அணியின் ஹென்ரிச் கிளாசன் 97 ரன்களை விளாசியும் பயனில்லாமல், டேவிட் மில்லர் 29 ரன்களில் வெளியேற 43.1 ஓவர்களில் 248 ரன்களுக்குச் சுருண்டு தொடரை இழந்தது.